Casuura.com kala soco warar sugan & xoggo rasmi ah logo telesom Dahabshiil

Golaha Wakiiladda Somaliland oo dib ugu celiyey saddex Xeer oo madaxweynuhu ku soo celiyey golaha

 

Golaha Wakiillada Somaliland ayaa markii labaad madaxweynaha dib ugu celiyay saddex xeer oo ay hore goluhu u ansixiyeen, balse uu madaxweynaha xilka ka sii degaya dib ugu soo celiyey golaha wakiiladda.

Saddexdan xeer ee dib loogu celiyay madaxweynaha waxay kala yihiin xeerka booliska, xeerka xabsiyadda iyo xeerka duulista iyo hawadda, waxaanay saddexdaas xeer oo goluhu hore u ansixiyay, ka dibna loo gudbiyey madaxweynaha si uu u dhaqangaliyo, haseyeeshee madaxweyne Axmed Siilaanyo aya wax ka bedel iyo kaabis ku sameeyey ka dibna golaha dib ugu soo celiyey.

“Madaxweynuhu saddexda xeer-ba wuxuu ku soo sameeyay wax-ka-beddel. Sida dastuurku dhigayo waxa weeyi, marka goleyaashu madaxweynaha u gudbiyaan xeer, wuxuu xaq u leeyahay in muddo 21 maalmood ah ku saxeexo ama uu wax-ka-beddel ku sameeyo. Markaa madaxweynuhu wuxuu maray dariiqii sharciga ahaa, saddexda xeer-na wuxuu ku sameeyay wax-ka-beddel. Xeerarkani muddo badan ayay golaha Wakiillada dhex yiileen. Soo jeedinta madaxweynaha goluhu waa in uu raaco, haddii lagu qanci waayo soo jeedinta madaxweynaha.”ayuu yidhi gudoomiyaha golaha Wakiilada Baashe Maxamed Faarax oo isagu kalfadhiga golaha shirgudoominayey.

Waxaanu intaas raaciyay “Waxaa loo baahan yahay in 55 xildhibaan ay u codeeyaan xeerka. Markaana waxa weeye in sidii xeerku kaga baxay golaha Wakiillada, waa in madaxweynuhu ku saxeexo.Haddii la waayo in aqlabiyadii goluhu ku ansixiyay ee 55 xildhibaan ahayd, xeerkaasi wuu dhimanayaa. Waa in markaa xeer cusub la soo sameeyaa”

Xildhibaanadii fadhigaas joogay ayaa la waydiiyay laba su’aalood oo kala ahaa in ay ku qanacsan yihiin soo jeedintii madaxweynaha, taasoo markii ay u codaynayeen ay diideen. Iyadoo markii labaad-na loo codeeyay in xeerkii labada gole ee Guurtidda iyo Wakiilladu gudbiyeen ay raacsan yihiin iyo in kale. Cod aqlabiyad ah oo 55 ah ayaanay ku ansixiyeen xildhibaannadu saddexda xeerba.

Geesta kale guddoomiye Baashe Maxamed Faarax, ayaa sheegay in saddexda xeer ee ay madaxweynaha ku celiyeen in sharcigu madaxweynaha farayo in uu sidaas ku saxeexo, ansaxna ay ku noqdaan. Waxaannu yidhi “Markaa soo jeedintii madaxweynaha, madaxtooyada ayaanu ku celinay. Markaa madaxweynuhu waa in uu xeerka booliska, xeerka xabsiyada iyo xeerkii duulista hawadda, waxaanay ku dhaqan gelayaan sidii labada gole ay ku ansixiyeen.”

Dhinaca kale waa markii u horraysay ee golaha Wakiillada Somaliland ay madaxtooyada ku celiyaan xeerar uu madaxweynuhu wax-ka-beddel ku soo sameeyay, isla markaana ay hore u ansixiyeen labada gole ee Guurtidda iyo Wakiiladdu.

Fikradaha Akhristayaasha (0)




Riix Muuqaladan Hoose

Wararkii Maanta

Waa Kuma Gudoomiyaha Cusub Ee Gobolka Sool Loosoo Magacaabaya
- Dec 18, 2017
Iyadoo Dhawaan Madaxwaynaha Cusub Ee Somaliland Muuse Biixi Cabdi Loo Caleema Saaray Xilka Madaxtinimo ...
Muuqaal: Australia oo Qabatay Basaas Waqooyiga Kuuriya u dhashay (Daawo)
- Dec 17, 2017
Dowladda Australia ayaa sheegtay inay xirtay nin lagu sheegay inuu basaas u ahaa Dowladda ...
DEG DEG Daawo: Xildhibaano ka tirsan DF-Somaliya oo Xilka laga Qaadayo iyo Xeer Ilaaliyaha Qaranka oo Shaaciyey
- Dec 17, 2017
Xeer ilaaliyaha Guud ee Qaranka Dr Axmed Cali daahir oo Goordhaweyd Shir jaraaid ku ...
Guddoomiyaha Baarlamaanka Somaliya oo ka hadlay Qadiyada Qudus – VIDEO
- Dec 12, 2017
Guddoomiyaha Baarlamaanka Federaalka Soomaaliya Maxamed Cismaan Jawaari ayaa noqday hogaamiyihii ugu horeeyey ee dowlada ...
Erdogan iyo Putin oo si wadajir ah u cambaareeyey Trump
- Dec 12, 2017
Madaxweynaha Turkiga Tayyib Erdogan oo soo dhaweyn balaaran usameeyey Madaxweynaha Ruushka Vladimir Putin ayaa ...
Daawo Video: Prof. Cali Khaliif Galaydh “Waxa aan Rabaa Soomaliland loo dhan yahay iyo Muuse inuu Heshiiskii Fuliyo”
- Dec 12, 2017
Prof. Cali Khaliif Galaydh Madaxwaynihii maamulka khaatumo oo Hargeisa ku sugnaa Mudooyinkan ayaa sheegay ...
MUUQAAL+Murugo: Donald Trump oo Soomalida Masaafurinaya iyo Dumar ay Ilmadu ka dhamaatay iyo Waxa dhacay
- Dec 12, 2017
Qaar ka mid ah qaraabada iyo qoysaska 92 qof oo Soomaali ah oo laga ...
DAAWO: Madaxwayne Farmaajo Shirka Turkiga iyo Go’aanka Qudus ee Somalia
- Dec 12, 2017
Wefdi uu hoggaaminayo Madaxweynaha Soomaaliya Maxamed Cabullaahi Farmaajo waxa ay u ambabaxeen dalka turkiga ...
Qurba-joogta Deegaanka Horufadhi oo Waxqabad Muuqda bilaabay iyo Guriga Martida oo Xadhiga laga Jaray (Daawo)
- Dec 11, 2017
Qurbajoogta kasoo Jeeda degmada Horufadhi ee Gobolka Cayn ayaa Halkaasi ka Hirgeliyey Waxqabad kala ...
Madaxwayne Erdogan oo Luuqadii ugu Adkayd ku Weeraray Yuhuuda “Israa’iil waa Argagixiso, Caruurta disha (Video)
- Dec 11, 2017
Madaxweynaha Turkiga Recep Tayyip Erdogan ayaa ku tilmaamay dalka Israel “Dal Argagaxiso” ahna “DIlaaga carruurta”xilli ...